Müsəlman ölkəsində çadraya qadağa qoyuldu
SURİYADA TƏLƏBƏ QIZLAR ARTIQ UNİVERSİTETƏ ÇADRA İLƏ DAXİL OLA BİLMƏZLƏR
03:01 / 21.07.2010
Fransa başda olmaqla, Avropa ölkələrində qadınların çadra ilə ictimai yerlərdə gəzməsinə qadağa qoyulması məsələsi gündəmdə olduğu bir vaxtda Suriyadan da gözlənilməz xəbər gəlib. Lent.az-ın Türkiyənin NTV telekanalına istinadən verdiyi məlumata görə, əhalisinin 97 faizi müsəlman olan Suriya qız tələbələrin universitetlərə çadra və buna oxşar geyimlərdə gəlməsinə qadağa qoyub. Qadağa dövlət universitetləri ilə bərabər, özəl məktəbləri də əhatə edir. Universitetlərə artıq məsələ ilə bağlı təlimatlar göndərilib. Suriyanın təhsil naziri Ghiath Barakat deyib ki, insanın üzünü qapayan və tanınmaz hala gətirən çadra akademik və etik dəyərlərlə uzlaşmır. O, bu səbəbdən universitetlərdə çadraya qadağa qoyulduğunu vurğulayıb.Bu yazı ( 379 ) - dəfə oxunmuşdur
