12px14px16px18px

Moskvada 11 nəfərin qətlində şübhəli bilinən 2 azərbaycanlı axtarılır

14:35 / 17.05.2012
Rusiya Federasiyası Baş Prokurorluğunun Baş İstintaq İdarəsi iki Azərbaycan vətəndaşının federal axtarışa verib. Onların Moskvada 11 nəfərinn qətlində, 3 nəfərin isə oğurlanmasında şübhəli bilinən mütəşəkkil cinayətkar dəstənin üzvü olduğu bildirilir. Lent.az-ın Rosbalt-a istinadən verdiyi məlumata görə, axtarış 43 yaşlı Kərimov və 40 yaşlı Hüseynov soyadlı azərbaycanlılar barədə elan edilib.

Rusiyanın digər KİV-lərinin yazdığına görə, baş verən qətl hadisələri ilə bağlı artıq 33 yaşlı Paşayev soyadlı azərbaycanlı və daha səkkiz nəfər saxlanılıb. Onlar Rusiya Federasiyası Cinayət Məcəlləsinin 105 və 210-cu (adam öldürmə və mütəşəkkil cinayətkar dəstə yaratma) maddələri ilə ittiham olunurlar.

İstintaqın ilkin versiyasına görə, axtarışa verilənlər və saxlanılanlar 2007 və 2009-cu illərdə Moskva şəhərində, habelə Novqorod vilayətində vətəndaşların mənzillərini ələ keçirmək məqsədi ilə qətllər törədiblər. Bundan başqa mütəşəkkil dəstə üç nəfəri də oğurlayıb. Oğurlananlar barəsində heç bir xəbər yoxdur.


Bu yazı ( 190 ) - dəfə oxunmuşdur


Son xəbərlər
Yazarlar
Ən çox oxunan yazılar