“Azərbaycan Milli Ensiklopediyası”nın əməkdaşlarının maaşları artırılıb
14:14 / 08.03.2012
Nazirlər Kabineti “Azərbaycan Milli Ensiklopediyası” Elmi Mərkəzində çalışan işçilərin aylıq vəzifə maaşlarına əlavələrin müəyyən edilməsi haqqında qərar qəbul edib. Nazirlər Kabinetindən “APA-Economics”ə verilən məlumata görə, 2012-ci il aprelin 1-dən qüvvəyə minən qərara əsasən, Elmi Mərkəzin direktorunun maaşına 120 manat, direktor müavini üçün 100 manat əlavə ediləcək. Mərkəzin şöbə müdiri, kompyuter mərkəzinin müdiri, redaksiya müdiri, baş mühasibi maaşlarına 80 manat, şöbə müdirinin müavini, kompyuter mərkəzi müdirinin müavini, redaksiya müdirinin müavini, baş mühasibin müavininin maaşına 70 manat, ümumi şöbənin müdiri, kitabxana müdiri, böyük elmi redaktor, iqtisadçı, mühasib, elmi redaktor, kiçik redaktor, komendant mütəxəssisi maaşlarına 50 manat əlavə alacaqlar.Bu yazı ( 112 ) - dəfə oxunmuşdur
