Jurnalistlər genderlə bağlı seminarda iştirak edir
01:01 / 24.04.2012
Dünən “Gender tədqiqatları” Mərkəzində Qadın İştirakçılığı Proqramı çərçivəsində “Qadın liderliyi və qərarvermə proseslərində iştirakı” mövzusunda seminar keçirilib.
Layihənin əsas məqsədi bütün səviyyələrdə qərar qəbulu prosesində qadınların bərabərhüquqlu iştirakında maneələrin aradan qaldırılması yolu ilə qadınların vəziyyətinin yaxşılaşması, cəmiyyətdə statusunun və siyasi iştirakının yüksəlməsi və gender bərabərliyinin təmin edilməsidir.
Layihə çərçivəsində “Lider Qadınlar”, “Universitet Təhsili Qadınlar Cəmiyyəti”, “Qadınlar gələcək uğrunda” ictimai birlikləri “Qərar qəbulu prosesində qadınların bərabərhüquqlu təmsilçiliyinin artırılması gender bərabərliyinin əsas şərtidir” adı altında birləşib.
İctimai rəyin formalaşmasında KİV-in rolu danılmaz olduğundan, layihə KİV nümayəndələri üçün ikigünlük təlim nəzərdə tutub. Seminarda Parlament Jurnalistlər Birliyinin 20-ə yaxın üzvü iştirak edib.
BƏXTİYAR
Bu yazı ( 70 ) - dəfə oxunmuşdur
