Bakının mərkəzində ağır qəza: 5 yaralı
09:49 / 25.04.2012
Aprelin 25-nə keçən gecə Bakıda 5 nəfərin xəsarət alması ilə nəticələnən ağır yol-nəqliyyat hadisəsi baş verib. Baş Dövlət Yol Polisi İdarəsindən Lent.az-a verilən məlumata görə, Nəsimi rayonu, Ü.Hacıbəyov küçəsində “Mercedes” və “VAZ 21012” markalı minik avtomobilləri toqquşub. Nəticədə avtomobillərdə olan 5 nəfər müxtəlif bədən xəsarətləri alıb.
Yaralılar xəstəxanaya yerləşdirilib. İlkin məlumata görə, hadisəyə avtomobillərdən birinin işıqforun qırmızı işığının tələbinə riayət etməməsi səbəb olub.
Faktla əlaqədar araşdırma aparılır.Bu yazı ( 73 ) - dəfə oxunmuşdur
