“Neftçi” bilsin ki, kubokun finalında kimlə qarşılaşacaq”
11:29 / 02.05.2012
“Bütün qarşılaşmalara qələbə qazanmaq üçün çıxırıq. “Neftçi” ilə cari mövsümdə dördüncü dəfə qarşılaşacağıq. Əvvəlki oyunlardakı uğursuzluqlara son qoymaq istəyirik”. Bu sözləri “Bakı” klubunun baş məşqçisi Novruz Əzimov PFL-in rəsmi saytına açıqlamasında deyib.
Unibank Premyer Liqanın qarşıdakı iki turunu dəyərləndirən N.Əzimov “Neftçi” ilə oyuna yalnız qələbə üçün çıxacaqlarını bildirib: “Həm biz, həm də “Neftçi” Avrokuboklara vəsiqəni təmin etdiyimiz üçün bəzi insanlar çempionatdakı oyunun formal xarakter daşıyacağını düşünür. Biz bu oyunda qələbə qazanmaq üçün meydana çıxacağıq. Həm də, “Neftçi” bilsin ki, Azərbaycan kubokun finalında kimlə qarşılaşacaq.
Komandanın əsas heyətindən Duje Bakoviç, Maris Verpakovskis, Novruz Məmmədov və Uinston Parks zədəli, Şəhriyar Əliyev isə cəzalıdır. Bu oyunçular, yəqin ki, növbəti turlarda da iştirak edə bilməyəcəklər. Ümid edirik ki, kubokun finalına kimi zədəli futbolçuların vəziyyəti normallaşacaq. Ancaq Şəhriyar Əliyev cəzalı olduğundan kubokun final oyununda da meydana çıxa bilməyəcək”.Bu yazı ( 19 ) - dəfə oxunmuşdur
