Elmar Məmmədyarov Çexiyaya işgüzar səfər edəcək

Azərbaycanın xarici işlər naziri Elmar Məmmədyarov martın 4-də Vışeqrad Qrupu, Danimarka, Baltikyanı və “Şərq Tərəfdaşlığı” ölkələri xarici işlər nazirlərinin qeyri-rəsmi görüşündə iştirak etmək məqsədilə Çexiya Respublikasına işgüzar səfər edəcək. XİN-in mətbuat xidmətindən APA-ya verilən xəbərə görə, səfər zamanı E. Məmmədyarovun GUAM-a üzv ölkələrin xarici işlər nazirləri ilə görüşlər keçirməsi, eyni zamanda Vışeqrad Qrupu, Danimarka, Baltikyanı ölkələri və “Şərq Tərəfdaşlığı” ölkələrinin nümayəndə heyətləri başçılarının iştirakı ilə işgüzar nahara qatılması nəzərdə tutulur.

---