“Türkiyə millisi DÇ 2014-ün final mərhələsində iştirak edəcək”

Türkiyə milli komandasının baş məşqçisi Abdullah Avcı Avstriya təlim-məşq toplanışı öncəsi iddialı açıqlamaları ilə diqqət çəkib.
Türkiyə mətbuatına danışan Avcı 2014-cü ildə Braziliyada keçiriləcək dünya çempionatında iştirak edəcəklərini bildirib:
“Avstriyada yoxlama oyunu keçirəcəyimiz komandalar DÇ 2014-ün seçmə mərhələsindəki rəqiblərimizə bənzər yığmalardır. Heyətimiz kifayət qədər genişdir və qapımız hər kəsə açıqdır. Türkiyə millisi DÇ 2014-ün final mərhələsində iştirak edəcək. Buna bütün varlığımla inanıram”.
Qeyd edək ki, Türkiyə millisi Avstriyada Gürcüstan, Finlandiya, Bolqarıstan, Portuqaliya və Ukrayna yığmaları ilə yoldaşlıq oyunlarında qüvvəsini sınayacaq.

---