Qəddafini satan keçmiş baş nazirin cəsədi çaydan tapıldı

Vyanada Liviyanın sabiq baş naziri, ölkənin qətlə yetirilmiş sabiq prezidenti Müəmmər Qəddafinin ən yaxın silahdaşlarından biri olmuş Şükrü Qanemanın cəsədi tapılıb.
Lent.az-ın “Exo Moskvı” radiosuna istinadən verdiyi məlumata görə, Şükrü Qanemanın cəsədi Vyanada Dunay çayının yatağında tapılıb. Cəsədin üzərində hər hansı zorakılıq əlaməti yoxdur.
Qeyd edək ki, 69 yaşlı Şükrü Qanema 2003-2006-cı illərdə Liviyanın baş naziri olub. Sonra isə 2011-ci ilin mayına qədər neft sənayesi naziri postunu tutub. Vətəndaş müharibəsi zamanı Qəddafinin istefasını tələb edən quyamçıların tərəfini tutub və onların tərəfinə keçərək, Avropaya qaçıb. 2011-ci ilin iyunundan Qanema və ailəsi Avropada yaşayırmış.

---