Rəsmi Bakıdan qondarma “prezident seçkiləri” ilə bağlı bəyanat

Azərbaycan Xarici İşlər Nazirliyi 8 aprel 2012-ci il tarixində Gürcüstanın Sxinvali regionunda – Cənubi Osetiyada keçirilmiş qondarma “prezident seçkiləri” ilə bağlı bəyanat yayıb. Nazirliyin mətbuat xidmətindən APA-ya daxil olan bəyanatda bildirilir ki, Azərbaycan Xarici İşlər Nazirliyi Gürcüstanın ərazi bütövlüyünü və suverenliyini qəti şəkildə dəstəklədiyini bir daha bildirərək, Sxinvalidə-Cənubi Osetiyada 8 aprel 2012-ci il tarixində keçirilmiş qondarma “prezident seçkiləri”ni tanımadığını bəyan edir. Azərbaycan Respublikasının Xarici İşlər Nazirliyi münaqişənin öz mümkün həllini tapması üçün hazırkı danışıqlar prosesinin konstruktiv şəkildə davam etdirilməsinin vacibliyinə qətiyyətlə inanır.

---