Elmi diaspora ilə bağlı internet portalın təqdimatı keçirildi
02:49 / 04.03.2010Tədbirdə Təhsil Nazirliyi, AMEA, Diasporla İş üzrə Dövlət Komitəsi, Texniki Universitet, AMEA-nın İnformasiya Texnologiyaları İnstitutu, Turizm İnstitutu və AKTAM-la birgə həyata keçirilən layihə çərçivəsində internet portalın (www.elmidiaspora.internet.az) təqdimatı da keçirilib.Portal barədə məlumat verən AKTAM-ın sədri Natiq Əhmədov bildirib ki, layihənin məqsədi xaricdə yaşayan azərbaycanlı alimlərin, tədqiqatçıların, müasir texnika və texnologiya sahəsində qabaqcıl mütəxəssislərin informasiya-analitik məlumat bankının yaradılmasıdır. Onun sözlərinə görə, veb portal vasitəsilə xaricdə yaşayan, elmi-tədqiqat, innovasiya fəaliyyətilə məşğul olan azərbaycanlı alimlərlə respublikamızdakı elm adamları arasında internet şəbəkəsində daima dialoq təşkil olunacaq: “Bu, həm də onların Azərbaycandakı həmkarları ilə elmi-peşəkar əlaqələrin fəallaşmasına, ölkəmizin dünya birliyinə inteqrasiyasının sürətlənməsinə səbəb olacaq”.Tədbirdə iştirak edən AMEA-nın İnformasiya Texnologiyaları İnstitunun direktoru Rasim Əliquliyev, professor Şahlar Əsgərov bu layihənin Azərbaycan elmində yeni bir başlanğıc olacağını deyiblər.Bu yazı ( 366 ) - dəfə oxunmuşdur