Bakıda iki azyaşlı qız bıçaqlandı
11:31 / 09.03.2012
Bakıda martın 8-də iki azyaşlı qız bıçaqlanıb. APA-nın məlumatına görə, hadisə ötən gecə paytaxtın Sabunçu rayonu, Balaxanı qəsəbəsində qeydə alınıb. Qəsəbə sakinləri, 14 yaşlı Səma Orucova və onun rəfiqəsi, 10 yaşlı Lalə Cəfərova bıçaq xəsarəti ilə 3 saylı Şəhər Klinik Xəstəxanasına gətiriliblər. Azyaşlı qızların kimin tərəfindən bıçaqlanması hələlik məlum deyil.
Sabunçu Rayon Polis İdarəsinin 12-ci Polis Bölməsindən APA-ya faktı təsdiqləyiblər. Bildirilib ki, hadisəni törədən şəxs artıq müəyyənləşib. Qızlara bıçaqla xəsarət yetirən şəxsin adı və hadisənin baş vermə səbəbləri hələlik açıqlanmır. Faktla bağlı araşdırma aparılır.Bu yazı ( 142 ) - dəfə oxunmuşdur
