Düşmən bir neçə istiqamətdə atəşkəsi pozub

Ermənistan Silahlı Qüvvələrinin bölmələri atəşkəs rejimini pozmaqda davam edirlər.

Müdafiə Nazirliyinin mətbuat xidmətindən Lent.az-a verilən məlumata görə, düşmən bölmələri mayın 15-də saat 21.25-dən 21.35-dək Ermənistan Respublikasının Berd rayonunun Çinarlı kəndində yerləşən mövqelərdən Tovuz rayonunun Koxanəbi kəndində yerləşən mövqeləri; saat 16.30-dan 16.55-dək Xocavənd rayonunun ərazisindəki adsız yüksəkliklərdə yerləşən mövqelərdən; saat 22.05-dən 22.15-dək Ağdam rayonunun Şıxlar kəndi yaxınlığında yerləşən mövqelərdən; saat 09.55-dən 10.00-dək, 12.55-dən 13.00-dək və mayın 16-da 00.40-dan 00.50-dək Fizuli rayonunun Qaraxanbəyli, Horadiz və Aşağı Seyidəhmədli kəndləri yaxınlığında yerləşən mövqelərdən; saat 04.23-dən 04.30-dək Goranboy rayonunun Tapqaraqoyunlu kəndi yaxınlığında yerləşən mövqelərdən Azərbaycan Silahlı Qüvvələrinin üzbəüz mövqelərini avtomat və pulemyotlardan atəşə tutublar.

Düşmən cavab atəşi ilə susdurulub.

---